MAYOR MƏMMƏDOV ANAR İBRAHİM OĞLU 25.04.1991-ci ildə anadan olmuşdur.

Vətən Müharibəsinə Daşkəsən rayonu ərazisində yerləşən Hinaldağ istiqamətində, həmçinin, Ağdağ yüksəkliyi istiqamətində yerləşən düşmən müdafiəsinin yarılması əməliyyatlarında iştirak ilə başlamış, şəxsi şücaət göstərmişdir. 

Füzuli və Cəbrayıl rayonu ərazisində gedən döyüş əməliyyatlarına qoşulmuş, rəhbərlik etdiyi qrupla Cəbrayıl rayonunun bir sıra yaşayış məntəqələrinin azad olunmasında iştirak etmişdir. Cəbrayıl rayonunun Mirək, Kavdar və Hacılı kəndlərinin işğaldan azad edilməsində xüsusilə rəşadət göstərmiş və yaralanmışdır. Dövlət Sərhəd Xidmətinin Hərbi Hospitalına təxliyyə olunmuş, sağaldıqdan sonra yenidən döyüşlərə qatılmışdır. 7-8 noyabr 2020-ci il tarixlərdə rəhbərlik etdiyi qrupla Zəngilan rayonu ərazisində Ermənistanla dövlət sərhədində  yerləşən strateji yüksəkliklərin azad olunmasında iştirak etmişdir. 8 noyabr 2020-ci ildə yüksəkliyin geri qaytarılması məqsədilə əks-hücuma keçən 60-dan çox düşmənin silahlı basqınının qarşısının alınması zamanı rəşadət və qəhrəmanlıq göstərmiş, düşmənin çoxlu təlafat verərək geri oturdulmasına nail olmuşdur.

Doğum Günü - 25.04.1991