Şəhid Baş Gizir Yusifli Azər Nazim oğlu 28.03.1994-cü ildə anadan olmuşdur.

Vətən Müharibəsinin ilk günlərindən Daşkəsən rayonu ərazisində yerləşən Hinaldağ və Ağdağ yüksəkliyi istiqamətində yerləşən düşmən müdafiəsinin yarılması əməliyyatlarında yaxından iştirak etmişdir. Azər Cəbrayıl rayonunun Mirək, Kavdar və Hacılı kəndlərinin işğaldan azad edilməsində rəşadət göstərmişdir. 

Baş gizir Yusifli Azər oktyabrın 20-də Zəngilan şəhərinin işğaldan azad edilməsi uğrunda döyüşlərdə əsl qəhrəmanlıq göstərmiş, Azərbaycan Respublikasının Dövlət Bayrağını Zəngilan şəhərinə sancmışdır. 21 oktyabr 2020-ci il tarixdə düşmən Zəngilanı geri qaytarmaq məqsədilə əks-hücuma keçmişdir. Basqının qarşısının alınması zamanı baş gizir Yusifli Azər sinəsini sipər edərək düşmənin qarşısını kəsmiş, xeyli sayda düşməni məhv edərək qəhrəmancasına şəhid olmuşdur. 

Doğum Günü - 28.03.1994