Orucov İlqar Rəhman oğlu 19 yanvar 1984-cü ildə anadan olmuşdur.

Vətən müharibəsinin ilk günündən başlanılan əks hücum əməliyyatı zamanı Murovdağ istiqamətində bir nece strateji yüksəkliklərin düşməndən azad edilməsi və düşmənin canlı qüvvəsinin , döyüş texnikaların darmadağın edilməsinə nail olmuşdur. Döyüşlərin gedişatında tabeçiliyindəki şəxsi heyətlə birlikdə Cəbrayıl və Füzuli rayonlarının 25-dən çox kəndlərini, Xocavənd rayonunun isə 15-ə yaxın kəndlərini düşmən işğalından azad etmişdir. Ümumilikdə döyüş əməliyyatlarının gedişi zamanı tabeliyindəki şəxsi heyət ilə 450 dən çox düşmənin canlı qüvvəsini, 25 zirehli texnikasını, 30 dan çox döyüş və digər nəqliyyat vasitələrini, bir çox reaktiv artileriya atəş vasitələrinin idarə etmə məntəqələrini darmadağın etmişdir. Döyüş əməliyyatları və xüsusi əməliyyatların gedişi zamanı göstərdiyi şəxsi şücaəti, mərdliyi ilə fərqlənmiş və tabeliyindəki şəxsi heyəti bacarıqla idarə edərək Azərbaycanın Respublikadının ərazi bütövlüyünün təmin olunmasında qarşıya qoyulan bütün növ döyüş tapşırıqlarını yerinə yetirmişdir. 

Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 9 dekabr 2020-ci il tarixli Sərəncamına əsasən İlqar Orucova "Vətən Müharibəsi Qəhrəmanı" adı verildi.

Doğum Günü - 19.01.1984