Mayor  Quliyev Röyal İlham oğlu 25.04.1991-ci ildə  anadan olmuşdur.

Müharibənin ilk günlərindən Cəbrayıl və Zəngilan rayonları ərazisində İran İslam Respublikası ilə dövlət sərhədində işğal altında olan sərhəd zastavalarının azad olunması əməliyyatlarında iştirak etmişdir. Rəhbərlik etdiyi qrupla birlikdə Zəngilan şəhəri uğrunda döyüşlərdə fərqlənmiş, şəxsi şücaət göstərmişdir. 

26 oktyabr 2020-ci ildə Mehri yolu istiqamətindəki (müşahidə qülləsi adlanan) adsız yüksəkliyin azad edilməsi zamanı düşmənin çoxsaylı minamyot atəşi nəticəsində qrupun başçısı kapitan Elməddin Meydanov şəhid olduqdan və 7 nəfər yaralandıqdan sonra,  yüksəkliyin müdafiəsi Quliyev Röyalın başçılıq etdiyi qrupa həvalə olunmuşdur. Röyal hərbi qulluqçular arasında təşviş və çaxnaşmanın yaranmasına yol verməmiş, qrupu qətiyyətlə idarə etmiş və zirvənin müdafiəsini təşkil etmişdir. 

29 oktyabr 2020-ci ildə Ermənistanla sərhəddə yerləşən və böyük strateji əhəmiyyət daşıyan “Sığırd” (1375.0) yüksəkliyinin düşməndən azad edilməsi əməliyyatı zamanı başçılıq etdiyi qrupu qətiyyətlə idarə edən kapitan Quliyev Röyal xüsusi rəşa¬dət nümayiş etdirmişdir. Bu əməliyyatın yerinə yetirilməsində göstərdiyi qəhrəmanlığa görə ona növbədən¬¬¬kənar mayor hərbi rütbəsi verilmişdir. Yüksəkliyin azad edilməsi nəticəsində Vejnəli kəndi və qızıl mədəni tam nəzarətə götürülmüşdür.

Doğum Günü - 25.04.1991