GENERAL-MAYOR  SULTANOV VÜSAL EYNULLA OĞLU 18.01.1987-ci ildə anadan olmuşdur.

Vətən Müharibəsinin ilk günlərindən Daşkəsən rayonu ərazisində yerləşən Hinaldağ istiqamətində, həmçinin, Ağdağ yüksəkliyi istiqamətində yerləşən düşmən müdafiəsinin yarılması əməliyyatlarında iştirak edən Vüsal Sultanov Dövlət Sərhəd Xidmətinin hərbi qulluqçularından ibarət qruplara rəhbərlik etmişdir. Həmçinin, Füzuli və Cəbrayıl rayonları ərazisində döyüş əməliyyatlarına qoşulmuş, Dövlət Sərhəd Xidmətinin hərbi qulluqçularından ibarət 8 qrupa rəhbərlik etmiş, bir sıra yaşayış məntəqələrinin azad olunmasında tabeliyində olan şəxsi heyəti qətiyyətlə idarə edərək şəxsi şücaət və qəhrəmanlıq göstərmişdir.

10 oktyabr 2020-ci ildə Cəbrayıl rayonunun Əmirvarlı kəndi istiqamətində döyüşlərdə ağır yaralanmış, müalicə olunmaq məqsədilə Bakı şəhərinə təxliyyə olunmuşdur. Dəfələrlə cərrahiyyə əməliyyatı keçirməsinə baxmayaraq müalicə aldığı müddətdə hərbi hissənin şəxsi heyəti ilə daim əlaqə saxlamış, onların döyüş ruhunun yüksək səviyyədə saxlanılmasına səy göstərmişdir. 

Doğum Günü - 18.01.1987